ესპანური და ფრანგული გამოცემების ცნობით, მაურისიო პოჩეტინო შესაძლოა მადრიდის „რეალის“ მწვრთნელი გახდეს...

რამდენიმე თვის წინ, მაშინ, როდესაც არგენტინელი სპეციალისტი „პსჟ“-ში დაინიშნა, ვერავინ წარმოიდგენდა, რომ დღევანდელი დღე დადგებოდა, თუმცა ფაქტია, რომ პოჩეტინოს „ბლანკოსის“ გაწვრთნის პერსპექტივა ხიბლავს.

პარიზული კლუბის მესვეურებს ამ საკითხთან დაკავშირებით კომენტარი არ გაუკეთებიათ, თუმცა ვრცელდება ინფორმაცია, რომლის მიხედვითაც, ალ ჰელაიფი პოჩეტინოზე გაბრაზებულია, რადგან მას „რეალისთვის“ საერთოდ არ უნდა მოესმინა.

არაოფიციალური ინფორმაციით, ფლორენტინო პერესი პარიზული გრანდის ამჟამინდელ დამრიგებელს 2+1 ფორმატის ხელშეკრულებას სთავაზობს და შეთანხმებასთანაც ახლოს არის.