იტალიური გამოცემების ცნობით, ჯანლუიჯი ბუფონი მადრიდის „რეალთან“ ძალიან ახლოს არის. კარის დარაჯის აგენტი მადრიდში იმყოფებოდა და სამეფო კლუბის წარმომადგენლებს შეხვდა.

43 წლის მეკარეს მადრიდში გადასვლა თავად სურს და მზად არის, 1 წლიანი კონტრაქტი გააფორმოს. თუ შეთანხმება შედგება, ჯიჯი კარიერას დიდი ალბათობით „მერენგების“ რიგებში დაასრულოს.

„იუვენტუსთან“ მოქმედი კონტრაქტი ბუფონს 30 ივნისს ეწურება. მიუხედავად ასაკისა, აწ უკვე გასულ სეზონში ჯანლუჯიმ 14 მატჩის ჩატარება შეძლო, საიდანაც 6 მატჩში კარი მშრალად შეინახა.

იმ შემთხვევაში, თუ „რეალი“ ანდრეი ლუნინს იჯარით რომელიმე კლუბში გაუშვებს, ტიბო კურტუას დუბლიორი იტალიელი ლეგენდა გახდება.