ესპანური გამოცემების ცნობით, მადრიდის „რეალმა“ ჯულს კუნდეს ოფიციალური წინადადებით მიმართა და შეთავაზების პაკეტი წარუდგინა. ფლორენტინო პერესის ფავორიტი სევილიელი უკანახაზელია და თვლის, რომ მისი მადრიდში ტრანსფერით გუნდი ძალიან გაძლიერდება.

კუნდეს „ბლანკოსისგან“ 6 წლიანი საკონტრაქტო შეთავაზება აქვს, სადაც მისი სევილიური ხელფასიც გაუმჯობესებული იქნება. ჯულსი ასევე ძალიან მოსწონს ზინედინ ზიდანს და პერესი სწორედ ამ ნაბიჯებით აპირებს ზიზუს მოხიბვლას და გუნდში დარჩენაზე დაყოლიებას.

სამეფო კლუბი ანდალუსიურ კლუბს კუნდეს სანაცვლოდ 55 მილიონ ევროს შესთავაზებს, თუმცა ვრცელდება ინფორმაცია, რომლის მიხედვითაც, პერესი სატრანსფერო თანხის 75%-ს საწყის ეტაპზე გადაიხდის, ხოლო დანარჩენ 25%-ს 2022 წლის ზაფხულამდე.

22 წლის უკანახაზელმა ლა ლიგის მიმდინარე სეზონში 34 მატჩი ჩაატარა და მატჩების 87%-ში სასტარტო შემადგენლობაში იყო.