ლუკა მოდრიჩმა მადრიდის „რეალთან“ კონტრაქტი კიდევ 1 წლით გაახანგრძლივა. ხორვატი ფეხბურთელის ციფრები სამეფო კლუბში მართლაც საოცარია.

9 სეზონში ლუკიტამ ჩემპიონთა ლიგის 4 თასის მოგება შეძლო, ასევე მის ანგარიშზეა მსოფლიო საკლუბო ჩემპიონატის 4 თასი, ლა ლიგის 2 თასი, 3 ესპანეთის სუპერთასი, 1 სამეფო თასი და 3 ევროპის სუპერთასია.

ლუკამ „ბლანკოსის“ მაისური 391-ჯერ მოირგო და მომდევნო სეზონის სტარტზე „400“-იანთა კლუბშიც შევა. მოდრიჩით დებიუტი „ბლანკოსში“ 2012 წლის 29 აგვისტოს შედგა, სწორედ მას შემდეგ დაიწყო ნახევარმცველმა ტრიუმფალური სვლა.

391 დაპირისპირებაში მოდრიჩის ანგარიშზე 28 გატანილი გოლია. აღნიშნული რაოდენობის დაპირისპირებებიდან 266 ლა ლიგაზე მოდის, 86 ჩემპიონთა ლიგაზე, ხოლო დანარჩენი სხვა ტიტულებზე.

ლუკიტა 2018 წელს ოქროს ბურთის მფლობელიც გახდა, გარდა ამისა ხორვატი ფეხბურთელის ანგარიშზე უამრავი ინდივიდუალური ჯილდოა, რომელიც მან „რეალში“ ასპარეზობის დროს მიიღო.