ესპანური გამოცემები იუწყებიან, რომ მომავალი ზაფხული „რეალისთვის“ ძალიან „ცხელი“ იქნება და კლუბში ბევრ ცვლილებას ვიხილავთ.

ვინ მიდის და ვინ რჩება? ანდრეი ლუნინი, ტიბო კურტუა, ფერლან მენდი, დანიელ კარვახალი, ფედერიკო ვალვერდე, კაზემირო, ტონი კროოსი, ლუკა მოდრიჩი, ვინისიუს ჟუნიორი, როდრიგო გოეში, კარიმ ბენზემა, ნაჩო ფერნანდესი და ედერ მილიტაო - ეს არის ფეხბურთელთა სია, რომლებიც ხელშეუხებლები არიან და მომდევნო სეზონში აუცილებლად იდგებიან სამეფო კლუბის სადარაჯოზე.

ალტუბე, იოვიჩი, ლუკას ვასკესი, ედენ აზარი, მარიანო დიასი, ოდრიოზოლა, სერხიო რამოსი, რაფა ვარანი, მარკო ასენსიო და მარტინ ოდეგორი - ამ ფეხბურთელთა მომავალი ჯერ კიდევ არ არის გარკვეული და „რეალი“ ყველა მათგნის გაშვებას განიხილავს, თუ შემოთავაზებები მისაღები იქნება.

და ბოლოს, 100%-ით გადაწყვეტილია, რომ მარსელო ვიეირა და ისკო ალარკონი გუნდს ტოვებენ. ამის შესახებ „რეალი“ ოფიციალურ განცხადებსა მალე გააკეთებს.