Onde Cero-ს ინფორმაციით, ზინედინ ზიდანს „ვილიარეალთან“ მატჩის შემდეგ პრესკონფერენციაზე წასვლის შესახებ განცხადების გაკეთება ჰქონდა გადაწყვეტილი, მაგრამ „ბლანკოსის“ ხელმძღვანელობამ გადაათქმევინა...

ზემოაღნიშნულ წყაროზე დაყრდნობით, ფლორენტინო პერესი ფრანგ ლეგენდას ძალიან საინტერესო პროექტს წარუდგენს და სწორედ ამიტომ სთხოვა, რომ განცხადება ჯერ არ გაეკეთებინა.

მიუხედავად იმისა, რომ სამეფო კლუბის დამრიგებელს გადაწყვეტილების შეცვლა არ სურს, მადრიდული გუნდის მესვეურები დანებებას არ აპირებენ.

უახლოესი დღეები „ბლანკოსისთვის“ ძალიან საინტერესო უნდა გამოდგეს.