ესპანური გამოცემები იუწყებიან, რომ მარსელო ვიეირა მადრიდის „რეალში“ ბოლო დაპირისპირებას გამართავს...

ზინედინ ზიდანი „ვილიარეალთან“ მატჩის სასტარტო შემადგენლობაში მიგელ გუტიერესს მოიაზრებს, თუმცა ბრაზილიელი ფეხბურთელი მოედანზე მეორე ტაიმში მაინც გამოჩნდება.

სამწუხაროა, რომ ვიცე-კაპიტანს სტადიონზე გულშემატკივრები დიდი ოვაციებით ვერ შეამკობენ და ისე ვერ გააცილებენ, თუმცა სამეფო კლუბი აპირებს, რომ მოთამაშე მაინც პომპეზურად, თუმცა სხვა ფორმებით გააცილოს.

ჯერ-ჯერობით უცნობია, სად გააგრძელებს კარიერას განაპირა მცველი, თუმცა მან კლუბს უკვე აცნობა, რომ წასვლა გადაწყვიტა.

არაოფიციალური ინფორმაციით, ვიეირა კარიერას ამერიკის შეერთებულ შტატებში ან ბრაზილიის ჩემპიონატში გააგრძელებს.