ტიბო კურტუას ლა ლიგაში საოცარი შედეგი აქვს. ბელგიელი ფეხბურთელი ლა ლიგის ეგიდით გამართულ ყველა მატჩში სასტარტო შემადგენლობაში იყო...

ზინედინ ზიდანის გუნდის გოლკიპერმა ლა ლიგაში 37-იდან 37 მატჩი ჩაატარა და 38-ე ტურშიც მიიღებს მონაწილეობას, მას მიმდინარე სეზონში 100%-იანი შედეგი აქვს.

აღსანიშნავია, რომ 37-იდან 17 მატჩში მეტოქე გუნდის ფეხბურთელებმა კურტუას კარის აღება ვერ მოახერხეს. იმედი ვიქონიოთ, ბელგიელის კარის დალაშქვრას ვერც „ვილიარეალი“ შეძლებს.

მიმდინარე სეზონი ბელგიელისთვის უდავოდ საუკეთესოა. მიუხედავად იმისა, რომ კურტუა შარშან „ზამორას“ მფლობელი გახდა და წელს ამას ვერ ახერხებს, ის წლეულს ბევრად შთამბეჭდავია.