იმ შემთხვევაში, თუ მადრიდის „რეალი“ „ტოტენჰემს“ ამ ზაფხულს 40 მილიონ ევროს გადაუხდის, სერხიო რეგილონი მშობლიურ კლუბს დაუბრუნდება, თუმცა როგორც სჩანს, ფლორენტინო პერესს სხვა პოზიცია აქვს...

მიუხედავად იმისა, რომ ზაფხულში გუნდს მარსელო ვიეირა გამოემშვიდობება, პერესი მის შემცვლელზე არ იდარდებს, ვინაიდან დავიდ ალაბასთან შეთანხმება ფაქტობრივად მიღწეული აქვს და ამასთან ერთად მიგელ გუტიერესში უდიდეს პერსპექტივას ხედავს.

მადრიდში თვლიან, რომ დავიდი დაცვის ცენტრალურ რგოლში უნდა გამოიყენონ, თუმცა საჭიროების შემთხვევაში მისი მარცხნივ გადაწევაც შესაძლებელია, ამასთან ერთად კოლექტივში იქნება გუტიერესი, რომელიც პრე-სეზონს მთავარ გუნდთან ერთად გაივლის და თანაგუნდელებთან უკეთესი შეთამაშებას მოახერხებს. გამოდის, რომ რეგილონს „ტოტენჰემში“ დარჩენა კიდევ დიდხანს მოუწევს და მისი სურვილი, რომელიც „ბლანკოსში“ დაბრუნებას უკავშირდება, სურვილად დარჩება.