იტალიის მილანის ხელმძღვანელობა დაკვირვებას აწარმოებს "ბლანკოსელ" სერხიო რამოსზე, რომელიც ამჟამად "ფურია როხასთან" ერთად იმყოფება სამხრეთ აფრიკის ჩემპიონატზე...

იტალიური გუნდის მესვეურებს დაცვის მარჯვენა ფლანგის გაძლიერება სურთ და იდეალურ კანდიდატად სწორედ სერხიო მიაჩნიათ. Corriere Dello Sport-ზე დაყრდნობით, მილანელებს იმის იმედი აქვთ, რომ მათ ფანტასტიური ურთერთობა ჩამოუყალიბდათ მადრიდულ მხარესთან მას შემდეგ, რაც რიკარდო კაკა "მადრიდისტა" გახდა.

იტალიური გრანდი მზად არის მოლაპარაკებების დასაწყებად. ასევე ცნობილია თანხაც, რომელსაც "შავ-წითლები" გაიღებენ რამოსის სანაცვლოდ, ეს თანხა 23 მილიონ ევროს შეადგენს. მადრიდული მხარის პოზიცია ამ საკითხთან დაკავშირებით ჯერჯერობით უცნობია.