იტალიური გამოცემების ცნობით, 3 დღის წინ მასიმილიანო ალეგრისა და მადრიდის „რეალს“ შორის კომუნიკაცია შედგა. იტალიელი სპეციალისტი მთავარ მწვრთნელობაზე თანხმობას აცხადებს, მაგრამ გარკვეული მოთხოვნები აქვს...

გავრცელებული ინფორმაციით, მასიმილიანო ერთ ცენტრალურ მცველს ითხოვს, რომელსაც ვარსკვლავური სტატუსი ექნება, მისი ერთ-ერთი ფავორიტი დე ლიხტი გახლავთ, რომელიც „იუვენტუსის“ ღირსებას იცავს.

ალეგრის კიდევ ერთი ფავორიტი სერგეი მილინკოვიჩ-სავიჩია. ალეგრი ნახევარმცველის შეძენას ჯერ კიდევ მაშინ ცდილობდა, როდესაც „ბებერი ქალბატონის“ ღირსებას იცავდა, მაგრამ მაშინ მოლაპარაკებები სატრანსფერო ფასის გამო ჩაიშალა.

მასიმილიანო დიდ პატივს სცემს „ლივერპულის“ განაპირა მცველ ალექსანდრ არნოლდს და მიაჩნია, რომ „რეალის“ ფლანგი სწორედ მან უნდა გააძლიეროს.

მეოთხე ფეხბურთელი, რომლითაც ალეგრი ინტერესდება პაოლო დიბალაა, „იუვენტუსის“ ფეხბურთელს ტურინში პრობლემები აქვს, თუმცა ალეგრის მუშაობის დროს გუნდის ლიდერი იყო.

და ბოლოს, რაღა თქმა უნდა კილიან მბაპე, რომელიც აბსოლუტურად ყველა მწვრთნელს ძალიან მოსწონს და გამონაკლისი არც ალეგრი გახლავთ.