დიეგო სიმეონემ „ოსასუნასთან“ მატჩისწინა პრესკონფერენციაზე მრავალი საკითხი მიმოიხილა. „ატლეტიკოს“ დამრიგებელმა „რეალზეც“ ისაუბრა და ეს გუნდი მთავარ კონკურენტად დაასახელა...

„თეორიულად ყველაფერი შეიძლება მოხდეს, მაგრამ თუ საქმეს რეალურად შევხედავთ, ჩვენი კონკურენტი მხოლოდ „რეალია“ და „ბარსელონამ“ ჩემპიონობისთვის ბრძოლა წინა ტურში დაასრულა, როდესაც „ლევანტესთან“ 2 ქულა დაკარგა.“

„ჩვენსა და „ბლანკოსს“ შორის სხვაობა 2 ქულაა. დიახ, ზიდანის გუნდი შანსს ინარჩუნებს, მაგრამ მარტივად გეტყვით, როგორ უნდა დავტოვოთ „რეალი“ უშანსოდ, ეს საიდუმლო მომდევნო 2 ტურის მოგებაში მდგომარეობს.“

„ჩვენ არ დავინტერესდებით იმით, თუ რა შედეგებს დააფიქსირებენ „მერენგები“ 37-ე და 38-ე ტურში, ჩვენ მხოლოდ იმით ვინტერესდებით, რომ ჯერ „ოსასუნას“, შემდეგ კი „ვალიადოლიდს“ მოვიგოთ.“

„საბედნიეროდ, ყველაფერი „ატლეტიკოზეა“ დამოკიდებული, ამიტომ სრული ყურადღება დარჩენილ 2 ტურზე გადაგვაქვს. ლა ლიგა აუცილებლად უნდა მოვიგოთ.“