იტალიური გამოცემების ცნობით, მადრიდის „რეალს“ სეზონის ბოლოს ზინედინ ზიდანი გამოემშვიდობება. ფრანგმა გადაწყვეტილება მიიღო, რომელსაც არ შეცვლის.

იტალიელები იუწყებიან, რომ ლეგენდა ტურინის „იუვენტუსს“ ჩაუდგება სათავეში და ამ გუნდთან 3 წლიან კონტრაქტს მოაწერს ხელს. „ბებერი ქალბატონი“ ზიზუს აქტიურ სატრანსფერო პოლიტიკას პირდება, თუმცა მიზნად ჩემპიონთა ლიგის მოგებას უსახავს.

ასევე ვრცელდება ინფორმაციები, რომლის მიხედვითაც, ზიდანს საფრანგეთის ნაკრებიც ეპატიჟება, მაგრამ ზიზუს „იუვე“ იზიდავს.