ზინედინ ზიდანმა „ბილბაოსთან“ მატჩის წინ ბოლო რჩევა-დარიგებები გასცა. გუნდი „სან მამესზე“ ვიზიტისთვის მზად არის.

ფეხბურთელებმა დიდი ყურადღება დაუთმეს ბურთის კონტროლს, შეტევაში სწრაფად გადასვლას, ტაქტიკურ მონახაზებს და პრესინგს.

მეკარეები გოლკიპერთა მწვრთნელთან ერთად ირჯებოდნენ, შემდეგ კი გუნდს შეუერთდნენ.

მარსელო გუნდთან ერთად ვარჯიშობს და „ბილბაოს“ განაცხადში აუცილებლად მოხდება, ხოლო ტონი კროოსი იზოლაციაშია.

მარიანო დიასმა გუნდთან ერთად სრული დატვირთვა ვერ მიიღო და ის „ბილბაოსვის“ მზად არ იქნება.

ტრავმირებული ფეხბურთელები აღდგენით კურსს განაგრძობენ.

შეგახსენებთ, ბილბაოს „ატლეტიკისა“ და „რეალის“ დაპირისპირება ხვალ, თბილისის დროით 20:30 საათზე აიღებს სტარტს.