დასვენების დრო არ არის. გამომდინარე იქედან, რომ მადრიდის „რეალს“ „ბილბაოსთან“ თამაში ძალიან მალე უწევს, ფეხბურთელებმა აღდგენითი ვარჯიში უკვე ჩაატარეს.

ზიზუმ „გრანადასთან“ დაპირისპირების დროს სასტარტო შემადგენლობაში მყოფი ფეხბურთელები ნაკლებად დატვირთა, დანარჩენებმა კი სრულფასოვანი ვარჯიში გამართეს.

ტრავმირებული ფეხბურთელები აღდგენით პროცესს განაგრძობენ, მათ შეცვლას კი ფრანგი ლეგენდა კასტილიელი ახალგაზრდებით ახდენს.

ზინედინმა დიდი ყურადღება დაუთმო ბურთის ფლობას, პრესინგს, ტაქტიკურ მონახაზებსა და კარში დარტყმებს. ხვალ „ბლანკოსი“ კიდევ ერთ სესიას ჩაატარებს.