როგორც მოგეხსენებათ, "ბეშიქთაშის" სადავეები, ბერნდ შუსტერმა ჩაიბარა.

მადრიდის "რეალის" ყოფილი მწვრთნელი, გუნდის რიგების გაძლიერებაზე ფიქრობს.გერმანელმა სპეციალისტმა, ერთ-ერთ სპორტულ გამოცემასთან საუბრის დროს აღნიშნა, რომ უკმაყოფილიოა "ბეშიქთაშის" თავდამსხმით: "ჩემმა გუნდმა, გასულ სეზონში 45 გოლი გაიტანა, რაც ძალიან ცუდი მაჩვენებელია.ჩვენ უწინარეს ყოვლისა, შეტევაზე ვიფიქრებთ.ვგონებ, რაული ყველაზე კარგი კანდიდატურაა, თუმცაღა ჯერ არვიცი, მზად არის თუ არა ესპანელი ლეგენდა თურქეთში გადმოსასვლელად."

ასევე, შუსტერმა არ დამალა, რომ დაინტერესებულია გუტის შეძენითაც.

ცნობისათვის, თურქებმა მიმდინარე სატრანსფერო ბაზარზე უკვე განახორციელეს მეტ-ნაკლებად ხმაურიანი ტრანსფერი.მომავალი სეზონიდან ბერნდის განკარგულებაში პორტუგალიელი კუარეშმა იქნება.