მადრიდის რეალის ''ბებერმა'' ''ელ კაპიტანომ'' ერთ-ერთ ესპანურ გამოცემასთან ისაუბრა თავის მომავალზე.

''ბლანკოსის'' კაპიტანი ხვდება, რომ საზაფხულო სეზონის დასრულების შემდეგ მას მოუწევს გადაწყვეტილების მიღება. ფლორენტინო პერესმა, ხორხე ვალდანომ და ჟოზე მოურინიომ განაცხადეს, რომ ისინი რაულის ნებისმიერ გადაწყვეტილებას გაგებით მოეკიდებიან. როგორც ჩანს საფრთხე იმისა, რომ რაულ გონსალესი კლუბს დატოვებს ძალიან დიდია. ''ელ კაპიტანომ'' განაცხადა, რომ საბოლოო გადაწყვეტილებაზე ივლისის თვეში ისაუბრებს.

'' მე რათქმაუნდა მსურს კლუბში დარჩენა, თუმცა ვხედავ რა სიტუაციაცაა აქ. როგორც ვხვდები ჩემი ადგილი კლუბში აღარ მოიძებნება. ამაში კი ''ასაკი მიწყობს ხელს''. მე დაველაპარაკები დონ პერესს, ჟოზე მოურინიოს და ამის შემდეგ გადავწყვეტ, წავალ თუ დავრჩები კლუბში.''