ზინედინ ზიდანმა „გრანადასთან“ მატჩის წინ პრესკონფერენცია გამართა და ლა ლიგის მოგების შანსებზე ისაუბრა. ჟურნალისტებმა ფრანგ ლეგენდას რუალ გონსალეს ბლანკოს შესახებაც ჰკითხეს...

„ლა ლიგის მოგების შანსი საკმაოდ დიდია, ამიტომ ყველაფერს გავიღებთ იმისათვის, რომ მოწოდების სიმაღლეზე ვიდგეთ და სეზონის ბოლოს თასი აღვმართოთ. ვერ ვიტყვი, რომ ეს ცუდი სეზონია, ვინაიდან პრობლემების მიუხედავად, ჩემმა ფეხბურთელებმა არნახული ძალისხმევა გაიღეს.“

„ჩემი მოთამაშეები მხოლოდ დარჩენილ 3 თამაშზე ფიქრობენ და არა ტრანსფერბსა და სამომავლო გეგმებზე. ახალი ფეხბურთელების შეძენაზე მას შემდეგ ვისაუბრებთ, რაც სეზონიც დასრულდება და სხვა რამეზე ფიქრის საშუალება გვექნება.“

„ჩემი მომავალი? როგორც გითხარით, ახლა მხოლოდ იმ 3 ტურზე ვფიქრობ, რომელიც ჩასატარებელია. გადაწყვეტილებას ამის შემდეგ გაცნობებთ.“

„რაულთან ინტენსიური ურთიერთობა მაქვს, „კასტილიას“ მოთამაშეები არაერთხელ დამჭირდა. ამ შემთხვევაში ესპანელი ლეგენდის რჩევები ძალიან მნიშვნელოვანი იყო.“

„VAR სისტემა შეიქმნა იმისათვის, რომ უსამართლობა გამოირიცხოს და ფეხბურთი უფრო დაიხვეწოს, თუმცა გაკრვეულ დეტალებთან დაკავშირებით ერთიანი პოზიციაა შესაჯერებელი. არ შეიძლება, რომ ერთი და იგივე დარღვევის ფონზე მსაჯი განსხვავებულ გადაწყვეტილებებს იღებდეს.“

„„ბარსელონსა“ თამაშს თვალი ვადევნე. ზოგადად, ბევრ მატჩს ვუყურებ, რადგან მიყვარს ფეხბურთი.“

„საზოგადოების ტრიბუნებზე დაბრუნებას მოუთმელად ველით. ძალიან გვსურს, რომ ცარიელ სტადიონზე არ ვითამაშოთ. გვჯერა, რომ ეს მალე მოხდება.“

„რაულის მთავარი მწვრთნელობა? ალბათ ახლა ამაზე საუბრის დრო არ არის, მაგრამ თუ მას შესაძლებლობა მიეცმა, მე გამიხარდება, რადგან ვიცი, რომ სათანადოდ გამოიყენებს.“

„შემდეგ სეზონს ჯერ-ჯერობით არ ვგეგმავ. როგორც გითხარით, ახლა მხოლოდ დარჩენილი 3 მატჩის მოგებაზე ვარ ორიენტირებული და ვთვლი, რომ 9 ქულის მოპოვების შემთხვევაში ჩემპიონობის შანსი გვექნება.“

„პირველიდან ბოლო წუთამდე სრული კონცენტრირება გვმართებს, რადგან მეტოქე „გრანადაა“. მე ვთვლი, რომ ამ კლუბმა ერთ-ერთი საუკეთესო სეზონი ჩაატარა. კოლექტივი დაკომპლექტებულია ტექნიკური და სწრაფი ფეხბურთელებით, ამიტომ განსაკუთრებული სიფრთხილე გვმართებს.“