ტურინის „იუვენტუსში“ მთავარი მწვრთნელის ცვლილება გარდაუვალია. იტალიური კლუბის ხელმძღვანელობა ახალი მწვრთნელობის მოწვევაზე სერიოზულად მუშაობს, უმთავრესი კანდიდატი კი ზინედინ ზიდანი გახლავთ.

იტალიური გამოცემების ცნობით, „ბებერო ქალბატონი“ არჩევანს ალეგრისა და ზინედინს შორის გააკეთებს. თუ ფრანგი სპეციალისტი მადრიდის „რეალს“ დაემშვიდობება, სამსახურის გარეშე დიდხანს არ მოუწევს ყოფნა და გეზს ტურინისკენ აიღებს.

მეტიც, ვრცელდება ინფორმაცია, რომლის მიხედვითაც, „იუვეს“ ხელმძღვანელობა ზიდანს 3 წლიან ხელშეკრულებას სთავაზობს, სადაც მისი ხელფასი 12 მილიონი ევრო იქნება.

სეზონის დასრულების შემდეგ, ზინედინი „ბლანკოსის“ ხელმძღვანელობასთან მოლაპარაკებებს გამართავს, რის შემდეგაც საბოლოო გადაწყვეტილებას საჯაროს გახდის.