ესპანური გამოცემების ცნობით, „აინტრახტის“ ხელმძღვანელობა მადრიდში იმყოფებოდა და რაულ გონსალეს ბლანკოს პირისპირ შეხვდა. გერმანული კლუბი „ელ კაპიტანოს“ 2 წლიან კონტრაქტს სთავაზობს.

ლეგენდა გერმანიაში გადასვლაზე თანახმა იყო, მაგრამ ახლა ვითარება შეცვლილია. რაული ზინედინ ზიდანის გადაწყვეტილებას ელოდება. თუ ფრანგი „რეალის“ მთავარი მწვრთნელის პოსტს დატოვებს, ფლორენტინო პერესი ამ თანამდებობაზე სწორედ ლეგენდარულ „7“-იანს დანიშნავს.

ზემოაღნიშნულიდან გამომდინარე, გერმანულ მხარეს ესპანელმა ფეხბურთელმა დრო სთხოვა. „აინტრახტის“ ხელმძვანელოამ გონსალესს 1 თვიანი ვადა მისცა, რაც სავარაუდოდ სრულიად საკმარისი იქნება იმისათვის, რომ გაირკვეს რჩება თუ მიდის ზიდანი.