ლეგენდარულმა ფეხბურთელმა, ზინედინ ზიდანმა, რომელიც ამჟამად მადრიდის რეალს ემსახურება, კომენტარი გააკეთა საფრანგეთთან დაკავშირებით. ზინედინის თქმით დომენეკის გუნდში სრული კატასტროფა ხდება და სერიოზული ცვლილებებია საჭირო.

"ეს უკვე აღმაშფოთებელია, საფრანგეთის ეროვნული ნაკრები უკვე მეორედ არის ჯგუფში ჩარჩენის საშიშროების წინაშე. ევროპის 2008 წლის ჩემპიონატის დროს ეს ყველაფერი იმით გამართლდა, რომ "მამლებს" ძალიან რთული მეტოქეები ჰყავდათ ჰოლანდიისა და იტალიის სახით, მაგრამ დღევანდელი სიტუაცია მართლაც ამაზრზენია."

"ძირეული ცვლილებებია საჭირო, სხვაგვარად ვერაფერი მოხერხდება, "მამლები" ძალიან ცუდ შთაბეჭდილებას ტოვებენ, მათი თამაშის ყურება არ არის საინტერესო, რადგან რამდენიმე სწორი გადაცემაც ვერ კეთდება, კომბინაციურ თამაშზე ზედმეტია საუბარი."

"იმედი მაქვს საფრანგეთის ფეხბურთის ფედერაცია გარკვეულ ზომებს მიიღებს და გუნდში ცვლილებებს შეიტანს. ჩვენი ნაკრების Play Off-ში გასვლის შანსი ძალიან მცირეა, 2010 წლის მუნდიალზე საფრანგეთმა სრული ფიასკო განიცადა."