რიკარდო კაკა ჩემპიონთა ლიგის ნახევარფინალში განვითარებულ მოვლენებს გამოეხმაურა და განაცხადა, რომ სჯობდა ფინალში „ჩელსის“ ნაცვლად მადრიდის „რეალი“ გასულიყო.

„დარწმუნებული ვარ, ძალიან საინტერესო ფინალი გველის, თუმცა ისიც უნდა აღინიშნოს, რომ „სიტისა“ და „რეალის“ დაპირისპირება გაცილებით გრანდიოზული იქნებოდა. პრემიერლიგაში „სიტისა“ და „ჩელსის“ დაპირისპირებებს ისედაც ხშირად ვუყურებთ, ინგლისურ-ესპანური დუელი კი ბევრად საინტერესო იქნებოდა.“

„ლა ლიგა? ზიდანის გუნდი ბოლო ტურამდე იბრძოლებს, ამაში დარწმუნებული ვარ. ესპანეთის ჩემპიონატის მიმდინარე სეზონი მეტისმეტად საინტერესო აღმოჩნდა.“