ჟულიენ ლოპეტეგიმ მადრიდის „რეალთან“ მატჩის წინ პრესკონფერენცია გამართა და მნიშვნელოვანი საკითხები მიმოიხილა. „ბლანკოსის“ ყოფილი დამრიგებლის თქმით, ზინედინ ზიდანი სამეფო კლუბისთვის იდეალური დამრიგებელია.

„ზიდანი არის იდეალური იქ, სადაც არის, ამიტომ მის მიმართ არსებული კრიტიკა აბსოლუტურად უადგილოდ მიმაჩნია. ციფრები და არსებული რეალობა ყველაფერზე მეტყველებს და ვთვლი, რომ ზიზუს არავისთან არაფერი აქვს დასამტკიცებელი.“

„დიახ, „სევილიამ“ ბევრი იბრძოლა, ამ ეტაპზე საჩემპიონო შანსებზე საუბარი რთულია, თუმცა ცუდ პოზიციაზე არ ვიმყოფებით და გვჯერა, რომ წარმატების მიღწევა შეგვიძლია. თუ „რეალს“ დავამარცხებთ, მცირე შანსი კიდევ გვექნება. ჩემი ფეხბურთელები ყველა ვარიანტში ბოლომდე იბრძოლებენ.“

„ვიცით, რომ „რეალი“ გამარჯვების შემთხვევასი პირველ ადგილზე გადავა, ეს ყველაფერი სამეფო კლუბს კიდევ უფრო დიდ მოტივაციას აძლევს და ჩვენს ამოცანას ართულებს. ბოლო მატჩებში არც ისე მიმზიდველი სტატისტიკა გვაქვს, ახლა კი დროა „ბლანკოსთან“ ბალანსი ნაწილობრივ აღვადგინოთ.“