კატალონიის „ბარსელონას“ და მადრიდის „ატლეტიკოს“ შეხვედრა ფრედ დასრულდა. ვერც სიმეონეს და ვერც კუმანის შეგირდებმა მეტოქის კარის აღება ვერ მოახერხეს. ამ ეტაპზე პირველ ადგილზე კვლავ „ატლეტიკოა“ 77 ქულით, მეორე პოზიციაზე „ბარსელონა“ 75 ქულით, ხოლო მესამეზე „რეალი“ 74 ქულით, რომელსაც „სევილიასთან“ მატჩი რეზერვში აქვს და გამარჯვების შემთხვევაში პირველ ადგილზე გადადის.

თუ ზიზუს კოლექტივი ლოპეტეგის გუნდს დაამარცხებს, „ატლეტიკოს“ მსგავად 77 ქულას ჩაიწერს აქტივში, მაგრამ ურთიერთშეხვედრებში დადებითი ბალანსის გამო პირველადგილოსანი სწორედ „რეალი“ გახდება.

ის, რომ „სევილიასთან“ მატჩი ძალიან მნიშვნელოვანი იყო არავინ დაობდა, მაგრამ დღევანდელი მატჩის 0:0-ის შემდეგ „რეალს“ ჩემპიონობის რეალური შანსი მიეცა, რომელიც ხელიდან არ უნდა გაუშვას.