მოგეხსენებათ, შარშანდელ სეზონში „ზამორას“ საპატიო ჯილდოს მფლობელი ტიბო კურტუა გახდა. ბელგიელმა მეკარემ ლა ლიგაში ყველაზე ცოტა გოლი გაუშვა და ჩატარებული მატჩებისა და გაშვებული გოლების შეფარდებით საუკეთესო კოეფიციენტი აჩვენა...

ამ ეტაპზე პირველ ადგილზე „ატლეტიკოს“ კარის დარაჯი, იან ობლაკი გახლავთ, რომელმაც 34 ჩატარებულ მატჩში 22 გოლი გაუშვა, ხოლო მეორე ადგილს ტიბო იკავებს, რომელსაც მატჩების ანალოგიური რაოდენობა აქვს გამართული, თუმცა მეტოქეებმა მისი კარის აღება 24-ჯერ შეძლეს.

ობლაკის კოეფიციენტი 0,65-ია, ხოლო კურტუასი 0,71. ამ მხრივ მესამე ადგილს იკავებს „სევილიას“ კარის დარაჯი, რომელსაც 21 გოლი აქვს გაშვებული, თუმცა მან 29 მატჩში მიიღო მონაწილეობა და კოეფიციენტი 0,72 აქვს.

ლა ლიგის გადამწყვეტი 4 ტური არამხოლოდ ჩემპიონის, არამედ „ზამორას“ ტიტულის ბედსაც გადაწყვეტს.