კაზემირომ „ოსასუნასთან“ მატჩში შესანიშნავად იასპარეზა და გოლის გატანაც შეძლო, რამაც ყველაფერს წერტილი დაუსვა და მატჩში ინტრიგა მოკლა.

„ბედნიერი ვარ, რომ გუნდს გატანილი გოლით დავეხმარე. ზიდანმა შემადგენლობა გადაახალისა, რათა რესურსი დაეზოგა. ვფიქრობ, არსებულმა თერთმეტეულმა დაკისრებულ ამოცანას ბრწყინვალედ გაართვა თავი და შედეგიც სახეზეა.“

„მატჩის პირველ ტაიმში რამდენიმე კარგი მომენტი შევქმენით, მაგრამ გოლად ვერ გარდავსახეთ, რადგან პამპლონელთა მეკარე შესანიშნავად ასპარეზობდა.“

„მიხარია, რომ 3 ქულა ჩავიწერეთ აქტივში. ლა ლიგაში 4 ფინალი დარჩა და ჩვენ ოთხივე უნდა მოვიგოთ. მჯერა, რომ ტურნირის 86 ქულით დასრულების შემთხვევაში კვლავ ჩვენ გავხდებით ჩემპიონები.“