რობერტო კარლოსმა „ოსასუნასთან“ დაპირისპირება შეაფასა და „რეალის“ ფეხბურთელებს გამარჯვება მიულოცა.

„ეს იყო მატჩი, რომელიც ძალიან მომეწონა. რატომ? იმიტომ, რომ ლოგიკური დასასრული ჰქონდა. ზიდანის გუნდი კარგად უტევდა და სრული უპირატესობა ჰქონდა, რასაც ლოგიკური გამარჯვება მოჰყვა. რაც ყველაზე მთავარია, გუნდი გამარჯვებების სერიას აცხობს და ლა ლიგისთვის ბრძოლაშია ჩაბმული.“

„ვინც იცნობს ედერ მილიტაოს, ყველა დამეთანხმება, რომ მას დიდი მომალი აქვს. უკანახაზელმა ბევრი რამ ისწავლა წარსულში, „რეალში“ კი კიდევ უფრო დაიხვეწა.“

„დიახ, „ოსასუნამ“ დაცვითი ფეხბურთი ითამაშა, მათმა მეკარემ კი ყოველგვარ მოლოდინს გადააჭარბა. რომ არა პამპლონელთა კარის დარაჯის გმიური გამოსვლა ტაბლოზე კიდევ უფრო დიდ ანგარიშს ვიხილავდით.“

„თუკი რამე ახლოს არის სრულყოფილებასთან, ეს კაზემირო გახლავთ. ჩემი თანამემამულე ერთბაშად ეფექტურია, როგორც დაცვაში, ასევე თავდასხმაში. წლების მანზილზე კაზე „ბლანკოსის“ ლიდერის სტატუსს მოირგებს.“

„როდესაც „რეალის“ მაისურს იცმევ, დემოტივირებული ვერ იქნები. მერწმუნეთ ასეა. ზიდანს დიდი არჩევანი აქვს და მჯერა, რომ „ჩელსისთან“ საუკეთესო თერთმეტეულს გაიყვანს მოედანზე. ეს არის უდიდესი მნიშვნელობის მატჩი, სადაც გადაღლიბობა გადამწყვეტი არ უნდა იყოს.“

„ფაქტია, რომ ედენ აზარი ფიზიკურ კონდიციებს იუმჯობესებს, ბელგიელმა ფეხბურთელმა დღევანდელი დაპირისპირება შესანიშნავად ჩაატარა. ვფირქობ, ის „არისტოკრატების“ წინააღმდეგაც მოწოდების სიმაღლეზე იდგება, თუმცა არ ვიცი, ითამაშებს თუ არა სასტარტოში, ეს ზიზუს გადაწყვეტია.“