ლონდონის „ჩელსი“ ჩემპიონთა ლიგის 1/2 ფინალის განმეორებით დაპირისპირებას შესანიშნავ ფორმაში ხვდება. ტომას ტუხელის შეგირდებმა პრემიერლიგაში მორიგი მატჩი მოიგეს, თანაც ისე რომ გოლი არ გაუშვიათ.

„არისტოკრატების“ მორიგი მსხვერპლი „ფულემი“ გახდა, რომელმაც ლონდონში ვერაფერი გააწყო და შეხვედრა 2-0 დათმო, ორივე გოლის გატანა ახალგაზრდა კაი ჰავერტსმა შეძლო.

ტუხელის თერთმეტეული ასე გამოიყურებოდა - მენდი, კრისტენესი, ტიაგო სილვა, ზუმა, ჯეიმსი, ჩილველი, მაუნთი, გილმორი, ვერნერი, ზიეში, ჰავერტსი.