ლა ლიგის გუნდებს ტიბო კურტუას კარის აღება ძალიან უჭირთ. სეზონის გადამწყვეტ ფაზას ბელგიელი მეკარე შესანიშნავ ფორმაში შეხვდა და არაერთი „სეივი“ შემოგვთავაზა.

მიმდინარე სეზონში ლა ლიგის გუნდემა „რეალის“ კარი მხოლოდ 24-ჯერ აიღეს, ამ მხრივ სამეფო კლუბს „ატლეტიკოს“ შემდეგ საუკეთესო შედეგი აქვს, ამ უკანასკნელმა მხოლოდ 22 გოლი გაუშვა.

„ელ კლასიკოს“ შემდეგ მადრიდულმა გრანდმა ლა ლიგაში 4 მატჩი გამართა და ოთხივე შემთხვევაში საკუთარი კარის მშრალად შენახვა შეძლო.