„ოსასუნასთან“ მატჩის საუკეთესო ფეხბურთელად მადრიდის „რეალის“ ბრაზილიელი მცველი, ედერ მილიტაო დასახელდა.

ახალგაზრდა უკანახაზელმა საოცარი შთაბეჭდილება დატოვა, როგორც დაცვაში, ასევე თავდასხმაში. ის მუდმივად აქტიურ რეჟიმში მუშაობდა და მეორე ტაიმში გოლის გატანაც შეძლო, რასაც რამდენიმე წუთში კაზემიროს გოლიც მოჰყვა.

საბოლოო ჯამში შეიძლება ითქვას, რომ ედერ გაბრიელმა გამარჯვებაში დიდი წვლილი შეიტანა და მატჩის „მეფედ“ სამართლიანად დასახელდა.