მადრიდის „ატლეტიკომ“ მძიმე ბრძოლაში „ელჩეს“ ბარიერის გადალახა და აქტივში უკვე 76 ქულა აქვს. აღსანიშნავია, რომ სიმეონეს გუნდის წინააღმდეგ მატჩის მიწურულს პენალტი დანიშნეს, მაგრამ ბურთი ძელს მოხვდა და „როხიბლანკომ“ ქულები არ დაკარგა...

აუცილებლად აღსანიშნავია, რომ „ელჩეს“ ფეხბურთელის ბურთთან შეხების დროს, როდესაც ის თერთმეტმეტრიან დარტყმას ასრულებდა, „ატლეტიკოს“ კარის დარაჯს, იან ობლაკს მოძრაობა უკვე დაწყებული ჰქონდა და მისი მანევრი ესპანურ გამოცემებში უკვე გახდა განხილვის საგანი.

მატჩის საუკეთესო ფეხბურთელად კვლავ მარკოს ლორენტე დასახელდა. ექს „ბლანკოსელი“ წლევანდელ სეზონში საოცარ ფეხბურთს თამაშობს და ამტკიცებს, რომ „რეალმა“ მისი გაშვებით შეცდომა დაუშვა.