ესპანური და ბრიტანული გამოცემების ცნობით, პაუ ტორესი სეზონის ბოლოს „ვილიარეალს“ დატოვებს და ახალ გამოწვევას მიიღებს. Cadena Ser-ის ინფორმაციით, ესპანელ მცველს „რეალში“ თამაშის პერსპექტივა ხიბლავს, მაგრამ თუ ფლორენტინო პერესისგან უარს მიიღებს პრემიერლიგას მიაშურებს...

ტორესზე პრეტენზიას მანჩესტერ „იუნაიტედი“ აცხადებს, რომელიც აპირებს, რომ ივნისის პირველივე რიცხვებში მიმართოს „ვილიარეალს“ და სერიოზული მოლაპარაკებები დაიწყოს. „წითლების“ მიზანი პაუს დამატება ევროპის ჩემპიონატის დაწყებამდე იქნება.

ფეხბურთელის ფასი ამ ეტაპზე 65-იდან 70 მილიონ ევრომდე მერყეობს, რაც ფლორენტინო პერესისთვის შემაფერხებელი ფაქტორია, თუმცა „რეალის“ პრეზიდენტი იმასაც კარგად აცნობირებს, რომ გუნდში მაღალი დონის ცენტრალური მცველის დამატება სასიცოცხლოდ მნიშვნელოვანია.