მოგეხსენებათ, მარსელო ვიეირას ჩემპიონთა ლიგის ½ ფინალში მონაწილეობა სერიოზული კითხვნისნიშნის ქვეშ გახლავთ, ვინაიდან ბრაზილიელს სამოქალაქო ვალის მოხდა და არჩევნებში დამკვირვებლის ფუნქციის შეთავსება უწევს.

სამეფო კლუბმა პირველი ეტაპი გაიარა და შესაბამის უწყებებს მიმართა, თუმცა ჯერ-ჯერობით გადაწყვტილება შეცვლილი არ არის.

ესპანური გამოცემების ცნობით, „ბლანკოსის“ ხელმძღვანელობა დანებებას არ აპირებს და ყველაფერს გააკეთებს იმისათვის, რომ აღნიშნული გადაწყვეტილება შეიცვალოს და „რეალის“ ვიცე-კაპიტანი ესპანეთის სხვა მოქალაქემ ჩაანაცვლოს.

იმ ფონზე, რომ „მერენგების“ შემადგენლობაში ისედაც პრობლემებია, მარსელოს მადრიდში დარჩენა, თანაც არჩევნების გამო „რეალის“ ხელმძღვანელობას მიზანშეუწონლად მიაჩნია.