თამამად შეიძლება ითქვას, სამეფო კლუბის შანსები ჩემპიონთა ლიგაზე კარიმ ბენზემაზე გადის.

„ჩელსისთან“ შეხვედრაში გულშემატკივრების კიდევ ერთხელ იხილეს ფრანგი თავდამსხმელის გამორჩეული ხარისხი, თუმცა, ამასთანავე, ნათლად დაინახეს, რომ გუნდი იმაზე მეტად არის დამოკიდებული 1 ფეხბურთელზე, ვიდრე ევროპის სხვა რომელიმე ტოპ კლუბი.

ლონდონელთა კარში გატანილი გოლი ბენზემასთვის 28-ე გამოდგა მიმდინარე სეზონში. „რეალის“ შემადგენლობიდან მას უკან მოჰყვებიან ვინისიუსი, ასენსიო, კაზემირო (სამივეს 6-6 გოლი), მოდრიჩი და რამოსი (ორივეს 4-4). საერთო ჯამში კი, ჩამოთვლილ მოთამაშეებს „ცხრიანთან“ შედარებით 2-ით ნაკლები ზუსტი დარტყმა აქვთ განხორციელებული.

როგორც ზემოთ აღვნიშნე, ევროპულ გრანდებში რადიკალურად განსხვავებული სურათია. მაგალითისათვის, „ბარსელონაში“ მეგოლეთა სიას ლიდერობს მესი (33), რომელსაც მოსდევენ გრიზმანი (18), დემბელე (10), დე იონგი და ბრაიტვეიტი (ორივეს 7-7). მსგავსი ვითარებაა „ატლეტიკოშიც:“ ლუის სუარესი (19), მარკოს ლორენტე (12), ჟოაო ფელიქსი (10), ანხელ კორეა (7) და იანიკ კარასკო (6). ორივე გუნდის შემთხვევაში, დანარჩენ მოთამაშეებზე იმაზე მეტი გოლი აქვთ ერთად გატანილი, ვიდრე შემადგენლობის ბომბარდირებს.

საგულისხმოა ის ფაქტი, რომ შედეგიანობის თვალსაზრისით, „რეალი“ ბოლო 20 წლის განმავლობაში ყველაზე ცუდ სეზონს ატარებს. ჩატარებულ 46 შეხვედრაში, მადრიდელები მხოლოდდამხოლოდ 77 გოლს მოითვლიან.

აღნიშნულიდან გამომდინარე ნამდვილად სასწაულია, სეზონის დასრულებამდე ცოტა ხნით ადრე, ორივე ტურნირის მოგების შანსის შენარჩუნება.

MARCA