დიდი ალბათობით, ბრაზილიელ მცველს „ჩელსისთან“ განმეორებითი მატჩის გამოტოვება მოუწევს.

„ელ მუნდოს“ ინფორმაციით, 4 მაისს, მადრიდში ანსამბლეის არჩევნები ტარდება, სადაც მარსელო დამკვირვებლის რანგშია მიწვეული, ხოლო ლონდონელებთან დაპირისპირება კი 5 მაისსაა ჩანიშნული. შესაბამისად, სამრეთ ამერიკელი განაპირა მცველი გუნდს ვერ გაჰყვება ინგლისის დედაქალაქში.

ამ მომენტისათვის, კლუბის წარმომადგენლები ცდილობენ ყველაფრის გაკეთებას, რათა ფეხბურთელმა თავი აარიდოს არჩევნებს და მნიშვნელოვან დაპირისპირებას მწვრთნელის განკარგულებაში შეხვდეს, თუმცა ჯერ-ჯერობით ამაოდ.

აღსანიშნავია, რომ 2019 წელს, „ლევანტეს“ მეკარე აიტორ ფერნანდესი აღმოჩნდა მსგავს სიტუაციაში. მაშინ, კლუბმა მიაღწია შეთანხმებას სამთავრობო უწყებებთან და კარის დარაჯიც „ატლეტიკოსთან“ შეხვედრაში გაისარჯა.