ტომას ტუხელმა „რეალთან“ დაპირისპირების შემდეგ პრესკონფერენცია გამართა.

„ეს იყო მატჩი, რომელიც „ჩელსის“ აქტივში უნდა ჩაიწეროს, ვინაიდან ფეხბურთელებმა არსებულ დავალებებს თავი შესანიშნავად გაართვეს. პირველი ტაიმის ბოლოს ტაბლოზე დაფიქსირებული შედეგი ნამდვილად არ იყო სამართლიანი, ჩვენ გაცილებით მეტი შეგვეძლო, მაგრამ ფეხბურთელების მოქმედებებით მაინც ძალიან კმაყოფილი ვარ.“

„როგორც პრემიერლიგაში, ასევე ჩემპიონთა ლიგაზე უშეღავათოდ ვიბრძვით და გვსურს, რომ მაქსიმალური შედეგები მივიღოთ. ჩვენთვის ძალიან მნიშვნელოვანია სამეფო კლუბის 1/2 ფინალიდან გამოთიშვა და ფინალში გასვლა.“

„პირველი ნახევარი საათი ჩემი გუნდის სრული უპირატესობით მიმდინარეობდა. ეს არის კიდევ ერთი დამტკიცება იმისა, რომ ძალიან ძლიერი ფეხბურთელები გვყავს და ჩემპიონთა ლიგის მოგება შეგვიძლია.“

„ჩემი გუნდი მზად იყო ნებისმიერი გამოწვევისთვის. არ მეგონა, თუ ზიდანი 5-3-2 სქემას გამოიყენებდა, თუმცა ფრანგმა მატჩის მიმდინარეობისას რამდენჯერმე შეცვალა ტაქტიკა.“

„მატჩის შემდეგ ზიდანს ვუთხარი, რომ ყველაფერი ლონდონში გადაწყდება, აქ დასრულებული არაფერია.“