ტომას ტუხელმა „ვესტ ჰემთან“ მატჩის შემდეგ განაცხადა, რომ მისი გუნდი „რეალზე“ უკვე დიდი ხანია ფიქრობს.

„ჩვენ „რეალზე“ იმ დღიდან მოყოლებული ვფიქრობთ, რაც გავიგეთ, რომ ზიდანის გუნდი ჩვენი მეტოქეა. ზუსტად ვიცით, რომ ჩემპიონთა ლიგის 1/2 ფინალში უმძიმესი მატჩები გველის, რადგან „ბლანკოსი“ ყველაზე გამოცდილი გუნდია.“

„ზიდანის მთავარი კოზირი ნახევარდაცვაა, თუ ჩვენ მათ შუა რგოლს გავანეიტრალებთ და უპირატესობას დავეუფლებით, „მერენგების“ დამარცხებას და ფინალში გასვლას შევძლებთ.“