ლონდონის „ჩელსიმ“ მადრიდის „რეალთან“ მატჩის წინ პრემიერლიგაში იმარჯვა.

ტომას ტუხელის შეგირდებმა „ვესტ ჰემი“ მინიმალური ანგარიშით, 0-1 დაამარცხეს და მორიგი 3 ქულა ჩაიწერეს აქტივში. ლონდონური კლუბის სიტუაცია პრემიერლიგაში მკვეთრად არის გაუმჯობესებული.

ერთადერთი გოლის ავტორი ტიმო ვერნერი გახდა, ხოლო ტუხელის თერთმეტეული ასე გამოიყურებოდა - მენდი, რუდიგერი, ტიაგო სილვა, კრისტენსენი, ასპილიკუეტა (ჯეიმსი 86წთ), კანტე, ჟორჟინიო, ჩილველი, მაუნთი, ვერნერი (აბრაჰამი 87წთ), პულიშიჩი (ზიეჩი 74წთ).

33 ტურის თავზე „არისტოკრატები“ 58 ქულით მეოთხე პოზიციაზე იმყოფებიან.