ედენ აზარმა „ბეტისთან“ დაპირისპირებასა და ჩემპიონთა ლიგის ნახევარფინალზე ისაუბრა.

„ჩემთვის ძალიან მნიშვნელოვანი იყო მოედანზე დაბრუნება. დაახლოებით 20 წუთი ვითამაშე და ბედნიერი ვარ, რომ დატვირთვა მივიღე. ამ სეზონში მწვანე მინდორზე შესვლა ჩემი ოცნება იყო. ყველაფერს გავაკეთებ გადამწყვეტ მატჩებში გუნდის დასახმარებლად.“

„0-0 ხელს არ გვაძლევდა, მაგრამ ბრძოლა არ შეწყდება. „რეალი“ ყველაფერს გააკეთებს ლა ლიგის ტიტულის დასაცავად, ჩვენ მოქმედი ჩემპიონები ვართ.“

„ჩემპიონთა ლიგის 1/2 ფინალი ძალიან საპასუხისმგებლო ეტაპია. დიახ, „ჩელსისთან“ დაპირისპირება ჩემთვის ემოციური იქნება, ვინაიდან „არისტოკრატების“ რიგებში ბევრი წელი გავატარე და ტიტულები მოვიგე.“

„აღვნიშნავ თუ არა გატანილ გოლს? ახლავე ვამბობ, რომ არა!“