მოგეხსენებათ, მადრიდის რეალი დაინტერესებულია არგენტინელი დიეგო მილიტოს შეძენით. ჟოზე მოურინიოს აზრით მილიტო მსოფლიოს ერთ-ერთი საუკეთესო ფორვარდია იგი "ბლანკოსს" გამოადგება. დღეს არგენტინელმა ფეხბურთელმა განაცხადა, რომ არსად წასვლას არ აპირებს და იგი რჩება იტალიაში.

"მე მილანის ინტერის ფეხბურთელი ვარ და არ მსურს ამჟამინდელი კლუბიდან რომელიმე სხვა გუნდში გადასვლა. აქ ყველა კარგად მექცევა, გუნდში მეგობრული ატმოსფერო და ძალიან კარგი სიტუაციაა. მე არსად წასვლას არ ვაპირებ."

"ამჟამად მხოლოდდამხოლოდ მუნდიალზე ვფიქრობ და ვთვლი, რომ არგენტინის ნაკრებს შეუძლია თასის მოგება. თუ ჩვენ გავხდებით ჩემპიონები ეს წელი ჩემთვის იქნება საუკეთესო რაც აქამდე მქონია, რადგან მე ერთდროულად მოვახერხებ ჩემპიონთა ლიგისა და მსოფლიო ჩემპიონატის თასის დაუფლებას."