ფლორენტინო პერესმა მორიგი ინტერვიუ ჩაწერა ევროპის სუპერ ლიგის ირგვლივ შექმნილ აჟიოტაჟთან დაკავშირებით.

„სიმართლე გითხრათ, გაოცებული ვარ, ვინაიდან აქამდე არასდროს მინახავს მსგავსი აგრესია, რაც „უეფასა“ და სხვადასხვა ლიგების პრეზიდენტების მხრიდან წამოვიდა. ეს იყო ორკესტრირებული შეტევა. პირველ რიგში მსგავსი თავდასხმები საფრთხეს უქმნის და კლავს ფეხბურთს.“

„პოსტპანდემიურ ვითარებაში ფეხბურთის გადარჩენის გეგემაზე ვმუშაობთ. მხოლოდ „რეალის“ შემოსავლები 900 მილიონი ევროდან 600 მილიონ ევრომდე შემცირდა. ძალისხმევა არ დავიშურეთ იმისათვის, რომ შეგვექმნა პროექტი, რომელიც ყველას დააკმაყოფილდება. ცხადია, ასეთ გამოხმაურებებს არ მოველოდით.“

„აღნიშნულში ინგლისური კლუბებიც იღებდნენ მონაწილეობას, თუმცა მათ უთხრეს, რომ ისინი ფეხბურთს კლავენ. ყველამ კარგად იცის, რომ ევროპის სუპერ ლიგის გარდა სხვა გამოსავალი არ არსებობს.“

„დამფუძნებელთა შორის 15 კლუბია და ცხადია, ისინი შემთხვევით არ მოხვედრილან ამ რიგებში. ჩვენ ვსაუბრობთ გუნდებზე, რომლებიც პერმანენტულად ხვდებიან ჩ/ლიგის ნახევარფინალებსა და ფინალებში. მათ მილიონობით გულშემატკივარი ჰყავთ მსოფლიოს მასშტაბით.“

„გადაწყვიტეს სუპერ ლიგის დატოვება „უეფას“ მიერ ორგანიზებულ შოუს ფონზე, რამაც მეტად განმაცვიფრა. ნამდვილად არ მინდა პოლემიკაში შევიდე ჩეფერინთან, თუმცა, როგორც ჩანს, მასთან საუბარი მომიწევს. ისეთი სურათი დახატეს, თითქოს ატომური ბომბი ჩამოვაგდეთ. ისინი უბრალოდ ახსნის საშუალებას არ გვაძლევენ, ვინაიდან არ სურთ ცვლილებები.“

„პრობლემა იმაშია, რომ „უეფა“ თავისი საშინელი აგრესიით ყოველდღურ რეჟიმში ცდილობს ჩვენს განადგურებას. შესაძლოა გარკვეულ შეცდომები იქნა დაშვებული, თუმცა მათ იცოდნენ ჩვენი გაზრახვების შესახებ და უბრალოდ გველოდებოდნენ. ისინი ვერ ეგუებიან პრივილეგიების დაკარგვას.“

„6 ინგლისური კლუბიდან იყო ერთ-ერთი, რომელსაც დიდი ინტერესი არ გამოუჩენია და ჩემი აზრით, მან მოახდინა ზეგვალენა დანარჩენებზე. ჩვენ შეგვიძლია ვისაუბროთ გარკვეულ შიშებზე მათი მხრიდან.“

„„ჩელსის“ ფანების პროტესტი? სულ რაღაც 40 გულშემატკივარი შეიკრიბა სტადიონთან და თუ გინდათ, შემიძლია გითხრათ, ვისი ორგანიზებული იყო ეს ყველაფერი.“

„პრემიერ ლიგაში 6 კლუბი კარგავს ფულს, ხოლო 14 პირიქით. მსგავსი სიტუაციაა პრიმერა დივიზიონშიც. აღარ შეიძლება ასე გაგრძელება.“

„როდესაც ნადალი ეთამაშება ფედერერს, ყველა იჩენს ინტერესს აღნიშნული დაპირისპირების მიმართ, ხოლო როდესაც რაფა ეპაექრება მსოფლიოს მე-80 ჩოგანს, ბუნებრივია, ნაკლები აქტიურობაა. ჩვენ ისინი (ნადალი და ფედერერი) უნდა ვათამაშოთ ყოველ სამშაბათსა და ოთხშაბათს.“

„ფეხბურთის დგას დიდ კლუბებზე და ყოველთვის ასე იყო. რონალდუ და მესი დიდებული არიან არა მხოლოდ „რეალისა“ და „ბარსასთვის,“ არამედ მსოფლიოს ფეხბურთისთვს.“

„დიდმა ბიჭმა დიდი კოსტუმი უნდა ატაროს, ხოლო პატარამ პატარა, მაგრამ ყველაზე მნიშვნელოვანია, რომ ყველამ კომფორტულად იგრძნოს თავი საკუთარ სამოსში.“

„ინგლისში, იტალიასა და ესპანეთში არის თამაშები, რომლებსაც არავინ უყურებს.“

„ვიღაცამ უნდა შექმნას ფორმატი, რომელიც ფულის შოვნის საშუალებას მოგვცემს. თუ არაფერი შეიცვლება, ყველაფერს წერტილი დაესმევა.“

„ევროპის სუპერ ლიგა ოფიციალურად არავის დაუტოვებია. ყველას გაფორმებული აქვს კონტრაქტი და შესაბამისად, თუ ვინმე წასვლას გადაწყვეტს, ჯარიმის გადახდაც მოუწევს.“

„რა თქმა უნდა, მზად ვართ სხვა იდეების განსახილველადაც და შესაძლებელია, ფორმატის შეცვლაც დადგეს დღის წესრიგში. აქ მთავარი ის არის, რომ ჰონორარის გამომუშავება ხდება მაშინ, როდესაც საქმე გვაქვს დიდ თამაშებთან, წინააღმდეგ შემთხვევაში არაფერს აქვს აზრი.“

„„რეალის“ გულშემატკივრები არ არიან სულელები. თუ ჩვენ მათ ვეტყვით, რომ შუა კვირაში „მანჩესტერ იუნაიტედთან“ და მის დარ გუნდებთან მოგვიწევს ასპარეზობა, ძალიან ბედნიერები იქნებიან.“

„„ბარსელონას“ ქომაგებსაც კარგად ვიცნობ. მათი 99 პროცენტი ემხრობა ევროპის სუპერ ლიგის იდეას.“

„არაფერი დასრულება, ჩვენ ვაგრძელებთ მუშაობას.“