ჩოლო სიმეონემ „ატლეტიკოს“ წინასამატჩო პრესკონფერენციაზე მრავალი საკითხი მიმოიხილა. მათ შორის არგენტინელი სპეციალისტი ლა ლიგის ფავორიტებსაც შეეხო და განაცხადა, რომ სამეულს კიდევ ერთი კონკურენტი ჰყავს.

„ჯერ-ჯერობით წინ ბევრი ტურია და გამოკვეთილ ფავორიტობაზე საუბარი აბსოლუტურ უაზრობად მიმაჩნია, თუმცა აუცილებლად უნდა შევახსენოთ „რეალს“ და „ბარსელონას“, რომ „სევილია“ ჩვენი კონკურენტია. ლოპეტეგის გუნდს ქულების საკმაოდ დიდი რაოდენობა აქვს და დარწმუნებული ვარ, ჩემპიონობისთვის იბრძოლებს.“

„რეალური სურათი მაშინ დაიხატება, როდესაც ლა ლიგის დასრულებამდე 3 ან 2 ტური დარჩება. ამ ეტაპზე კიდევ ბევრი ქულაა გასათამაშებელი.“