ჟოზე მოურინიო ახალ გამოწვევას ეძებს, ვინაიდან „ტოტენჰემის“ ხელმძღვანელობამ მასთან კონტრაქტი დროზე ადრე გაწყვიტა.

ესპანური და ბრიტანული გამოცემები იუწყებიან, რომ ფლორენტინო პერესი პორტუგალიელი სპეციალისტის ირგვლივ განვითარებულ მოვლენებს აქტიურად აკვირდება.

იმ შემთხვევაში, თუ ზინედინ ზიდანი ზაფხულში სამეფო კლუბის დატოვებას გადაწყვეტს, პრეზიდენტი პერესი „განსაკუთრებულის“ კანდიდატურას აქტიურად განიხილავს.

„ბლანკოსის“ ხელმძღვანელობა ჟოზეს დაბრუნების საკითხს ჯერ კიდევ მაშინ განიხილავდა, როდესაც გუნდს სანტიაგო სოლარი ედგა სათავეში, თუმცა საბოლოო ჯამში არჩევანი ზიდანზე შეჩერდა.