ზინედინ ზიდანის გუნდმა ლა ლიგის მომდევნო ტურისთვის მზადება დაასრულა.

მთავარმა მწვრთნელმა დღევანდელ სესიაზე გუნდი ორად გაჰყო და განსხვავებული დავალებები მისცა. აქცენტი გაკეთდა სისწრაფეზე, კარში დარტყმებზე, მოკლე სივრცეში ზუსტ თამაშსა და პრესინგზე.

ტონი კროოსი ინდივიდუალური პროგრამით ვარჯიშობდა, ის სათამაშოდ მზად არ არის.

აღდგენით პროცესს აგრძელებენ ფერლან მენდი და ლუკას ვასკესი. ფრანგი მოედანს მალე დაუბრუნდება, ხოლო ვასკესისთვის ეს სეზონი დასრულებულია.

შეგახსენებათ, „კადისთან“ დაპირისპირებას „ბლანკოსი“ 21 აპრილს, თბილისის დროით 23:55 საათზე გამართავს.