მადრიდის „რეალის“ ოფიციალურმა ვებ-გვერდმა ოფიციალური განცხადება გააკეთა, რაზეც დღეს მთელი საფეხბურთო სამყარო საუბრობს...

„მილანი“, „ინტერი“, „იუვენტუსი“, „სიტი“, „არსენალი“, „იუნაიტედი“, „ჩელსი“, „ლივერპული“, „ტოტენჰემი“, „ატლეტიკო“, „ბარსელონა“, „რეალი“ - სწორედ ეს გუნდები არიან იმ იდეის გამზიარებლები, რომელსაც სულ მალე 3 კლუბიც შეემატება და სუპერლიგას 15 დამფუძვნებელი ეყოლება. დამფუძვნებელი კლუბები მოუთმენლად ელიან „ფიფასთან“ და „უეფასთან“ კონსულტაციებსა და დისკუსიებს, რომელიც საბოლოო ჯამში ფეხბურთის განვითარებას წაადგება. ახალი ლიგის შექმნა ხდება მაშინ, როდესაც გლობალურმა პანდემიამ დააჩქარა ევროპული ფეხბურთის ამჟამინდელი ეკონომიკური მოდელის არასტაბილურობა.

წლების განმავლობაში, დამფუძნებელი კლუბები მიზნად ისახავდნენ არსებული ევროპული შეჯიბრებების ხარისხისა და ინტენსივობის გაუმჯობესებას და ტურნირის შექმნას, რომელშიც საუკეთესო კლუბები და მოთამაშეები ერთმანეთის წინააღმდეგ უფრო ხშირად იასპარეზებენ.

კონკურსის ფორმატი შემდეგნაირია - ტურნირში 20 კლუბი მიიღებს მონაწილეობას, 15 დამფუძნებელი კლუბი და კიდევ ხუთი დამატებითი გუნდი, რომლებიც კლასიფიცირდება ყოველწლიურად წინა სეზონის შედეგების მიხედვით.

ყველა მატჩი ჩატარდება შუა კვირაში, რათა მონაწილე გუნდებს არ შეექმნათ პრობლემები შიდა ჩემპიონატში და მათ კალენდარში რაიმე სახის უზუსტობა არ დაფიქსირდეს. სეზონი დაიწყება აგვისტოს თვეში და დასრულდება მაისში.

ფორმატის მიხედვით გუნდები 2 კალათში გადანაწილდებიან და 10 კლუბიან ჯგუფებს ვიხილავთ, საიდანაც მომდევნო ეტაპზე ავტომატურად თითო ჯგუფში პირველ 3 ადგილზე განთავსებული გუნდები გადავლენ, ხოლო მეოთხე და მეხუთე პოზიციაზე გასულ გუნდებს Play off-ის საშუალებით მოუწევთ მომავლის გადაწყვეტა. მამაკაცთა შეჯიბრის დაწყებიდან მალევე ამოქმედდება ქალთა შესაბამისი ლიგა, რაც ხელს შეუწყობს ქალთა ფეხბურთის წინსვლასა და განვითარებას.

ყოველწლიური ტურნირი მნიშვნელოვნად გაზრდის გუნდების ფინანსურ შემოსავლებს, თუმცა უნდა აღინიშნოს, რომ პირველ ეტაპზე დამფუძვნებლებს საკმაოდ სერიოზული ფინანსური რესურსის გაღება მოუწევთ იმისათვის, რომ საორგანიზაციო ნაწილი აბსოლუტურად მაღალ დონეზე იქნას უზრუნველყოფილი და ლიგამ ისეთი შედეგები აჩვენოს, როგორსაც პროგნოზირებენ.