სანტიაგო ბერნაბეუზე მიმდინარე სარეკონსტრუქციო სამუშაოები ძალიან სწრაფ ტემპში მიმდინარეობს. აღსანიშნავია, რომ სარემონტო სამუშაოები კვირაში 7 დღე, 24 საათის განმავლობაში მიმდინარეობს და ჯგუფები არცერთი წუთით არ ისვენებენ...

ახალი გეგმის მიხედვით, „რეალმა“ გარემონტებულ არენაზე თამაში შესაძლოა 2022 წლის აგვისტოს ბოლოდან დაიწყოს, ვინაიდან პროგნოზები ოპტიმისტურია.

ახლანდელი გათვლების მიხედვით, სტადიონის დასრულება წელიწადნახევარში შესაძლებელი იქნება, თუმცა ამ ყველაფერზე ბევრ რამ იქნება დამოკიდებული.

როგორც კი სრულიად მოდერნიზებული არენა გაიხსნება, სამეფო კლუბის შემოსავლები ძალიან მნიშვნელოვნად გაიზრდება, როგორც სტადიონზე დამსწრე გულშემატკივრებიდან, მუზეუმიდან და სხვა ობიექტებიდან მიღებული თანხებით, ასევე სატელევიზიო გაყიდვებით. უნდა აღინიშნოს, რომ „ბლანკოსის“ მატჩების ტრანსლირება ახალი არენიდან კიდევ უფრო მეტად კომფორტული და მრავალფეროვანი იქნება.