ზინედინ ზიდანის ფეხბურთელებმა ლა ლიგის მომდევნო ტურისთვის მზადება დაასრულეს. გუნდს ფაქტობრივად განახევრებული შემადგენლობით მზადება უწევს.

მთავარმა მწვრთნელმა დიდი ყურადღება დაუთმო ტაქტიკურ მონახაზებს, პრესინგს, აჩქარებას, მოკლე სივრცეში ზუსტ თამაშსა და კარში დარტყმების კომპონენტს.

ნაჩო ფერნანდესმა და კაზემირომ სატრენაჟორო დარბაზში ივარჯიშეს, ტრავმირეული ფეხბურთელები კი აღდგენით პროცესს განაგრძობენ.

შეგახსენებათ, „ბლანკოსისა“ და „ხეტაფეს“ დაპირისპირება ხვალ, 23:00 საათზე გაიმართება.