ევროპის ყველაზე პრესტიჟული ტურნირის წლევანდელი გათამაშება დასკვნით ეტაპზე გადადის.

გუშინ, ჩემპიონთა ლიგის ნახევარფინალური ეტაპის საგზურები უკვე მოიპოვეს „პსჟ“-მ და „ჩელსიმ“, დღეს საღამაოს კი, დამატებით 2 ბილეთი გათამაშდება. როგორც იცით, „ლივერპული“ სახლში მიიღებს „რეალს,“ რომელთანაც პირველი მატჩი 3-1 დათმო, ხოლო დორტმუნდის „ბორუსია“ „მანჩესტერ“ სიტის უმასპინძლებს (პირველი შეხვედრა ინგლისელების გამარჯვებით დასრულდა 2-1).

აღსანიშნავია, რომ „ლივერპულისა“ და „რეალის“ წყვილის გამარჯვებული ლონდონელებს დაუპირისპირდება. შესაბამისად, „პსჟ“ ელოდება „სიტისა“ და ბორუსიას“ შორის საუკეთესოს.

მაშასადამე, პირველი ნახევარფინალური მატჩები 27 აპრილს შედგება, ხოლო განმეორებითი 4 მაისს. რაც შეეხება უშუალოდ გათამაშების ფინალს, ის 29 მაისს, სტამბულში არის დაგეგმილი.

წარმატებები ვუსურვოთ სამეფო კლუბს !