მინო რაიოლან ერლინგ ჰოლანდის „დორტმუნდიდან“ წასვლის შესახებ ისაუბრა.

„ჩვენ დიდ პატივს ვცემთ გერმანული კლუბის ხელმძღვანელობას, მათ შორის მაიკლ ზორკის გამოსვლას, რომელმაც განაცხადა, რომ მომდევნო სეზონში ნორვეგიელი ფეხბურთელი „ბორუსიას“ ღირსებას დაიცავს, თუმცა ამასთანავე დავსძენთ, რომ ეს განცხადება ყველაფერს არ ნიშნავს და ზაფხულში ბევრი რამ შეიძლება მოხდეს.“

„ზოგადად სატრანსფერო შეთანხმებები ორმხრივი გარიგების შედეგია, ამიტომ დაველოდოთ მოვლენათა განვითარებას. ამ ეტაპზე არაფრის გამორიცხვა არ მსურს და გიდასტურებთ, რომ ერლინგის მიმართ ინტერესი მსოფლიოს რამდენიმე გრანდს აქვს.“