ბრიტანული გამოცემების ცნობით, ლონდონური „ტოტენჰემის“ პრეზიდენტი ჰარი კეინის მანჩესტერ „იუნაიტედში“ ან „სიტიში“ გადასვლას არ განიხილავს და თვლის, რომ ამ ნაბიჯით უშუალო კონკურენტებს გააძლიერებს, ამიტომ ინგლისელი ფეხბურთელი წასვლის შემთხვევაში ქვეყანასაც დატოვებს.

დანიელ ლევი აქტიურად განიხილავს მადრიდის „რეალის“ ვარიანტს. ფლორენტინო პერესის მხრიდან კეინისადმი ინტერესი პირველად 2018 წელს დაფიქსირდა, მას შემდეგ კი სერიოზული მოლაპარაკებები არ წარმართულა.

ბრიტანული გამოცემები აქტიურად იუწყებიან, რომ „ბლანკოსის“ პრეზიდენტი ერლინგ ჰოლანდს პრიორიტეტად მიიჩნევს, მაგრამ ალტერნატიულ ვარიანტად „ტოტენჰემის“ ფორვარდს განიხილავს.

თუ „რეალი“ საქმეს სერიოზულად მიუდგება, საკმაოდ დიდი შანსია იმისა, რომ ჰარი მადრიდისტა გახდეს.